“دلجیت دوسانجھ اور ہانیہ عامر کی فلم کی دھوم – بھارت میں تنازع، پاکستان میں ریکارڈ توڑ پذیرائی”

بھارت میں متنازع قرار دیے جانے والے دلجیت دوسانجھ اور پاکستانی اداکارہ ہانیہ عامر کی مشترکہ فلم نے نہ صرف بھارتی بلکہ مقامی پنجابی فلموں کے تمام ریکارڈ توڑ دیے ہیں۔

دلچسپ بات یہ ہے کہ جہاں پاکستان میں فلم کو زبردست پذیرائی مل رہی ہے، وہیں بھارت میں اس کی کاسٹ کے حوالے سے تنازع پیدا ہو گیا ہے۔

یہ فلم 27 جون کو عالمی سطح پر ریلیز ہوئی، اور اس کی غیر متوقع کامیابی نے فلم سازوں کو بھی حیران کر دیا ہے۔

فلم نے بھارت میں سلمان خان کی سپر ہٹ فلم ’’سلطان‘‘ کا پہلے دن کا ریکارڈ بھی پیچھے چھوڑ دیا۔

مہنگائی اور سینما گھروں کی بندش جیسے مسائل کے باوجود پاکستانی شائقین نے فلم کو جس جوش سے پذیرائی دی، وہ ملکی فلمی صنعت کے لیے امید افزا اشارہ ہے۔

فلم کی اعلیٰ معیار کی شوٹنگ، دلجیت اور ہانیہ کی دلکش جوڑی، اور پنجابی ثقافت کی خوبصورت عکاسی نے ناظرین کو سینما گھروں کی جانب کھینچ لیا۔

ہانیہ عامر نے فلم کی اس زبردست کامیابی پر اپنے جذبات کا اظہار ایک ویڈیو پیغام میں کیا۔

انہوں نے کہا، ’’آپ سب کی محبت نے ’سردار جی 3‘ کو کامیابی کی بلندیوں تک پہنچایا۔ میں اپنے تمام پاکستانی مداحوں کی شکر گزار ہوں۔‘‘

یہ ہانیہ عامر کی بھارتی پنجابی سینما میں پہلی انٹری ہے، جسے ناقدین کی جانب سے بھی خوب سراہا جا رہا ہے۔