ٹانک میں ڈیڑھ سالہ بچی میں پولیو وائرس کی تصدیق، ملک بھر میں کیسز کی تعداد 13 ہوگئی

خیبرپختونخوا کے محکمہ صحت کے حکام نے بتایا ہے کہ ضلع ٹانک میں ڈیڑھ سال کی ایک بچی میں پولیو وائرس کی تصدیق ہوئی ہے۔

اس نئے کیس کے بعد ملک بھر میں اس سال پولیو سے متاثرہ بچوں کی تعداد 13 تک پہنچ گئی ہے۔

حکام کے مطابق خیبرپختونخوا میں اب تک پولیو کے سات کیس رپورٹ ہو چکے ہیں۔

ان کے علاوہ سندھ سے چار کیسز سامنے آئے ہیں، جبکہ پنجاب اور گلگت بلتستان میں ایک، ایک بچہ پولیو سے متاثر ہوا ہے۔