انگلینڈ کا اسکواڈ، جوفرا آرچر کی واپسی، بھارت کے خلاف برتری، اور ٹیسٹ سیریز کی دلچسپ تفصیل

فاسٹ بولر جوفرا آرچر کو ایک بار پھر انگلینڈ کے اسکواڈ میں شامل کر لیا گیا ہے۔

ٹیم کی قیادت بین اسٹوکس کر رہے ہیں، جبکہ اسکواڈ میں جو روٹ، جوفرا آرچر، زیک کرالی، ہیری بروکس، برائڈن کرس اور بین ڈکٹ بھی شامل ہیں۔

اس کے علاوہ ٹیم میں وکٹ کیپر بیٹر جیم سمتھ، جوش ٹنگ، اولی پاپ، کرس ووکس، سیم کک، جیکب بیتھل، جیم اوورٹن اور شعیب بشیر بھی موجود ہیں۔

دوسرا ٹیسٹ ایجبسٹن، برمنگھم میں 2 جولائی سے شروع ہو گا۔

یہ پانچ ٹیسٹ میچز کی سیریز ہے اور اس وقت انگلینڈ کو 1-0 کی برتری حاصل ہے۔

یاد رہے کہ انگلینڈ نے بھارت کو پہلے ٹیسٹ میچ میں 5 وکٹوں سے باآسانی شکست دے کر یہ برتری حاصل کی۔

ہیڈنگلے میں کھیلے گئے میچ کے آخری دن انگلینڈ نے بھارت کی جانب سے دیا گیا 371 رنز کا بڑا ہدف صرف 5 وکٹوں کے نقصان پر پورا کر لیا۔

دلچسپ بات یہ رہی کہ بھارت ایک ہی ٹیسٹ میں پانچ سنچریوں کے باوجود ہارنے والی پہلی ٹیم بن گئی۔

اس میچ میں بین ڈکٹ نے شاندار 149 رنز کی اننگز کھیلی، جس میں 21 چوکے اور ایک چھکا شامل تھا۔

زیک کرالی نے 65 رنز بنائے۔

ہیری بروک بغیر کوئی رن بنائے آؤٹ ہو گئے، بین اسٹوکس نے 33 رنز کی اننگز کھیلی جبکہ جو روٹ 53 رنز کے ساتھ نمایاں رہے۔

بھارت کی بولنگ میں پرادش کرشنا اور شردل ٹھاکر نے دو، دو وکٹیں حاصل کیں۔

اس سے پہلے بھارت نے دوسری اننگز میں 364 رنز بنا کر انگلینڈ کو جیت کے لیے 371 رنز کا ہدف دیا تھا۔

بھارتی بیٹنگ میں کے ایل راہول نے 137 اور رشبھ پنت نے 118 رنز کی شاندار اننگز کھیلیں، جبکہ رویندرا جڈیجا 25 رنز کے ساتھ ناٹ آؤٹ رہے۔

انگلینڈ کی جانب سے بریڈن کارس اور جوش ٹنگ نے دوسری اننگز میں تین، تین کھلاڑیوں کو آؤٹ کیا۔

بھارت نے پہلی اننگز میں 471 رنز بنائے تھے جبکہ انگلینڈ نے اپنی پہلی اننگز میں 464 رنز اسکور کیے تھے۔

اور ہاں، اس دوران آئی سی سی نے کرکٹ میں کچھ نئے قوانین بھی متعارف کرا دیے ہیں