دنیا June 29, 2025 Shahbaz Sayed

“یوکرین میں ایف 16 لڑاکا طیارہ روسی حملہ روکنے کی کوشش میں تباہ، پائلٹ ہلاک”

  • خبر رساں ایجنسی روئٹرز کی رپورٹ کے مطابق یوکرینی فوج نے تصدیق کی ہے کہ ان کا ایف 16 لڑاکا طیارہ گزشتہ رات روسی میزائل اور ڈرون حملے کو روکنے کی کوشش میں گر کر تباہ ہو گیا۔

  • یوکرینی فوج کے مطابق طیارے کا پائلٹ اس حادثے میں ہلاک ہو گیا۔

  • یہ روس کے ساتھ جاری جنگ کے دوران ایف 16 لڑاکا طیارہ گرنے کا تیسرا واقعہ ہے۔

  • یوکرین کی ایئر فورس نے ٹیلی گرام پر جاری بیان میں کہا کہ پائلٹ نے طیارے میں موجود تمام ہتھیار استعمال کر کے سات فضائی اہداف کو کامیابی سے نشانہ بنایا۔

  • آخری ہدف کو گرانے کے دوران طیارہ شدید نقصان کا شکار ہوا اور نیچے آنے لگا۔

  • بیان میں کہا گیا کہ پائلٹ نے طیارے کو بستی سے دور لے جانے کی ہر ممکن کوشش کی، لیکن اس کے پاس ایجیکٹ (باہر نکلنے) کا وقت نہیں تھا۔

  • یوکرینی فوج نے مزید بتایا کہ روس نے رات گئے یوکرین پر مجموعی طور پر 477 ڈرونز اور 60 مختلف قسم کے میزائل داغے۔

  • یوکرینی افواج نے ان میں سے 211 ڈرونز اور 38 میزائل تباہ کر دیے۔

  • روسی افواج نے اس دوران یوکرین میں چھ مختلف مقامات پر فضائی حملے بھی کیے۔