“پاکستانی پاسپورٹ فیس کی تفصیل اور محصولات کا ہدف بڑھانے کی حکومتی پالیسی”

پاکستان میں پاسپورٹ کی فیس 5,500 روپے سے شروع ہوتی ہے اور زمرے اور مدت کے اعتبار سے 28,000 روپے تک جا سکتی ہے۔

5 سال کی میعاد کے پاسپورٹ کے لیے فیس صفحات کی تعداد اور پروسیسنگ کی رفتار کے حساب سے مختلف ہوتی ہے۔

36 صفحات والے عام پاسپورٹ کی فیس 5,500 روپے ہے، جبکہ اسی سائز کا ارجنٹ (فوری) پاسپورٹ 8,500 روپے میں ملتا ہے۔

72 صفحات والے پاسپورٹ کی عام فیس 9,200 روپے مقرر ہے، اور ارجنٹ سروس کی فیس 14,500 روپے رکھی گئی ہے۔

حکومت پاکستان نے حال ہی میں شہریت، نیچرلائزیشن اور پاسپورٹ فیس کی مد میں اگلے مالی سال کے محصولات کا ہدف 75,000 ملین روپے سے بڑھا کر 76,500 ملین روپے کر دیا ہے۔

یہ اضافہ اس بات کی نشاندہی کرتا ہے کہ ڈائریکٹوریٹ جنرل آف امیگریشن اینڈ پاسپورٹ فیس میں باضابطہ اضافہ کیے بغیر وصولیوں کو بڑھانے کی کوشش کر رہا ہے۔

یاد رہے کہ پاکستانی پاسپورٹ ریاست پاکستان کے شہریوں کو بین الاقوامی سفر کے لیے جاری کیا جاتا ہے، جو ان کی شناخت اور شہریت کی تصدیق کرتا ہے۔

پاسپورٹ جاری کرنے کی ذمہ داری وزارت داخلہ کے ذیلی ادارے، ڈائریکٹوریٹ جنرل آف امیگریشن اینڈ پاسپورٹ پر ہے۔

عام طور پر دو طرح کے پاسپورٹ جاری کیے جاتے ہیں: عام اور سرکاری، جن کی مدت 5 یا 10 سال ہوتی ہے۔

15 سال سے کم عمر بچوں کے لیے پاسپورٹ صرف 5 سال کے لیے جاری کیا جاتا ہے۔

پاکستان میں جاری ہونے والے مشین ریڈ ایبل پاسپورٹس زیادہ محفوظ اور جدید سمجھے جاتے ہیں۔

پاسپورٹ کی درخواست آن لائن یا قونصل خانے میں دی جا سکتی ہے، اور یہ دستاویز بین الاقوامی سفر کے لیے لازمی ہوتی ہے۔