“ملتان میں اربوں روپے کے آن لائن مالیاتی فراڈ کے 2 ملزمان گرفتار”

ملتان میں ایک بڑی کارروائی کے دوران اربوں روپے کے آن لائن مالیاتی فراڈ میں ملوث دو ملزمان کو گرفتار کر لیا گیا ہے۔

یہ کامیاب کارروائی سائبر کرائم انویسٹیگیشن ایجنسی (این سی سی آئی اے) نے کی۔

حکام کے مطابق گرفتار ملزمان میں ثمر عباس اور اس کا ایک ساتھی شامل ہیں، جبکہ ان کے تیسرے ساتھی عبدالحئی کی گرفتاری کے لیے چھاپے مارے جا رہے ہیں۔

ایڈیشنل ڈائریکٹر این سی سی آئی اے نے بتایا کہ ان ملزمان کا تعلق لیہ سے ہے اور دونوں گزشتہ ایک سال سے مفرور تھے۔

حکام کے مطابق ملزمان نے عوام کو سرمایہ کاری کے جھوٹے خواب دکھا کر جعلی تجارتی منصوبوں کے ذریعے اربوں روپے بٹورے۔

خاص طور پر جنوبی پنجاب کے شہریوں سے 20 ارب روپے کا فراڈ کیا گیا۔

اس اسکینڈل سے متعلق درجنوں انکوائریاں مختلف مقامات پر درج ہیں۔

واضح رہے کہ دنیا بھر کی طرح پاکستان میں بھی آن لائن فراڈ کے متعدد کیسز سامنے آ چکے ہیں، جہاں ملزمان نت نئے طریقے اپنا کر عوام کو لوٹتے ہیں۔