کراچی ایئرپورٹ پر فلائی جناح کے طیارے سے پرندہ ٹکرا گیا – تمام مسافر محفوظ

تفصیلات کے مطابق کراچی ایئرپورٹ پر فلائی جناح کی پرواز کے ساتھ لینڈنگ کے دوران پرندہ ٹکرا گیا۔

ذرائع کا کہنا ہے کہ یہ پرواز لاہور سے کراچی آ رہی تھی اور لینڈنگ کے وقت حادثہ پیش آیا۔

کپتان نے فوری طور پر ایئر ٹریفک کنٹرول (اے ٹی سی) کو پرندہ ٹکرانے کی اطلاع دی۔

خوش قسمتی سے طیارے میں سوار 150 سے زائد مسافر محفوظ رہے۔

کپتان نے مہارت کے ساتھ طیارے کو بحفاظت ایئرپورٹ پر اتار لیا۔

ذرائع کے مطابق حالیہ بارشوں کی وجہ سے ایئرپورٹ اور اس کے اطراف میں کیڑے مکوڑوں کی تعداد بڑھ گئی ہے جس سے پرندے بھی زیادہ آ رہے ہیں۔

ڈی جی ایئرپورٹ ذیشان سعید نے اس صورت حال پر فوری ایکشن لیتے ہوئے ایئرپورٹ پر فیومیگیشن کروانے اور اضافی برڈ شوٹر تعینات کرنے کی ہدایت دی ہے۔

مزید پڑھیں: ترکش ایئرلائن کا طیارہ بڑے حادثے سے بال بال بچ گیا

اس سے قبل کراچی ایئرپورٹ پر استنبول جانے والی ترکش ایئرلائن کی پرواز بھی اسی طرح کے خطرے سے دوچار ہوئی تھی۔

پرواز نمبر TK 709 جب ٹیکسی وے پر تھی تو اس سے بھی پرندہ ٹکرا گیا تھا۔

اس واقعے میں کپتان نے فوری طور پر ایمرجنسی بریک لگا کر بڑی مہارت سے طیارے کو حادثے سے بچا لیا تھا۔