بہاولنگر میں افسوسناک واقعہ – ناراض بیوی کو بچاتے ہوئے شوہر جاں بحق

تفصیلات کے مطابق بہاولنگر میں ایک افسوسناک واقعہ پیش آیا۔

بتایا گیا ہے کہ ایک خاتون نے شوہر سے جھگڑے کے بعد غصے میں صادقیہ نہر میں چھلانگ لگا دی۔

بیوی کو بچانے کے لیے شوہر بھی فوراً نہر میں کود گیا۔

علاقہ مکینوں نے فوری کارروائی کرتے ہوئے خاتون کو زندہ نکال لیا۔

لیکن افسوس کی بات یہ ہے کہ اپنی بیوی کو بچانے والا شوہر نہر میں ڈوب کر جان کی بازی ہار گیا۔

بعد میں ریسکیو ٹیم نے اس شخص کی لاش نہر سے نکال لی۔

مزید پڑھیں: ناراض بیوی کو منانے کیلئے آنے والے شوہر کے ساتھ سسرال میں واردات

یاد رہے کہ کچھ ماہ پہلے لاہور میں بھی ایسا ہی ایک واقعہ پیش آیا تھا۔

وہاں ناراض بیوی کو منانے کے لیے آنے والے شوہر کو سسرال والوں نے تشدد کا نشانہ بنایا اور اس کی ٹانگ توڑ دی۔

اس واقعے میں شوہر کے ساتھ آنے والی اس کی بہنوں پر بھی تشدد کیا گیا تھا۔

بعد ازاں تھانہ سرائے مغل پولیس نے 13 ملزمان کے خلاف مقدمہ درج کر لیا تھا۔

مقدمے کے مطابق شوہر غضنفر اقبال اپنی بہنوں کے ساتھ بیوی کو منانے آیا تھا۔