ہمایوں سعید تھائی لینڈ میں حادثے کا شکار، جبڑا فریکچر ہوا: ندا یاسر کا انکشاف
معروف میزبان ندا یاسر نے اپنے حالیہ مارننگ شو میں ایک حیران کن انکشاف کرتے ہوئے بتایا کہ مشہور اداکار ہمایوں سعید ماضی میں ایک سنگین حادثے کا شکار ہو چکے ہیں۔
ندا نے پروگرام میں شریک اداکاراؤں نتاشا علی، روباب مسعود، حرا عمر اور ثناء عسکری سے گفتگو کرتے ہوئے بتایا کہ ہمایوں سعید کو تھائی لینڈ میں فلم کی شوٹنگ کے دوران جیٹ اسکیئنگ کرتے ہوئے خطرناک حادثہ پیش آیا، جس میں ان کا جبڑا فریکچر ہو گیا۔
ندا نے مزید بتایا کہ چونکہ ان کے بہنوئی ڈاکٹر فراز نواز ایک ماہر ڈینٹل سرجن ہیں، اس لیے ہمایوں سعید نے کسی دوسرے ڈاکٹر سے علاج کروانے سے صاف انکار کر دیا۔
ندا کے مطابق:
“ہمایوں نے درد کم کرنے کے لیے صرف پین کلرز لیں اور انتظار کرتے رہے کہ ڈاکٹر فراز سے اپاؤنٹمنٹ ملے۔”
یہ واقعہ ہمایوں سعید کے پروفیشنلزم اور بھروسے کی ایک مثال کے طور پر سامنے آیا، جس پر حاضرین بھی حیران رہ گئے۔
