کراچی میں ٹریفک حادثہ، 21 سالہ نوجوان جاں بحق
کراچی: بلوچ کالونی ایکسپریس وے پر منظور کالونی کے قریب پیش آنے والے ٹریفک حادثے میں ایک 21 سالہ نوجوان جاں بحق ہو گیا۔
چھیپا ترجمان کے مطابق متوفی کی شناخت کاشف کے نام سے ہوئی ہے، جو حادثے کے وقت موٹر سائیکل پر سوار تھا۔ ابتدائی اطلاعات کے مطابق، حادثہ نامعلوم گاڑی کی ٹکر سے پیش آیا۔
متوفی کی لاش ضابطے کی کارروائی کے لیے جناح اسپتال منتقل کر دی گئی ہے، جبکہ بلوچ کالونی پولیس واقعے کی تحقیقات کر رہی ہے۔
