ایڈیشنل ڈسٹرکٹ اینڈ سیشن جج شرقی نے پی ای سی ایچ ایس میں ہونے والی 13 کروڑ روپے کی بڑی ڈکیتی کیس میں اہم فیصلہ سنا دیا۔
عدالت نے ملزمان شہروز اور نمرا کی ضمانت منظور کرتے ہوئے فی کس ایک لاکھ روپے کے مچلکے جمع کروانے کا حکم دیا ہے، تاہم عدالت نے ملزم شہریار اور ملزمہ یسرا کی ضمانت کی درخواست مسترد کردی۔
استغاثہ کے مطابق ملزمہ یسرا ایک ٹک ٹاکر اور انسٹا انفلوئنسر ہے، جبکہ شہریار سمیت دونوں ملزمان اس وقت جوڈیشل ریمانڈ پر جیل میں ہیں۔
یہ واقعہ 26 جون کی رات پیش آیا تھا جب ملزمان نے شوروم مالک کے گھر میں داخل ہو کر 13 کروڑ روپے کی ڈکیتی کی تھی۔ اس حوالے سے مقدمہ تھانہ فیروز آباد میں درج ہے۔
