تفصیلات کے مطابق سپارکو کے تعاون سے شروع کیا گیا یہ منصوبہ سیلاب، خشک سالی، ہیٹ ویوز، طوفان، سونامی، لینڈ سلائیڈز اور زلزلوں کے لیے احتمالی رسک اسسمنٹ ٹولز فراہم کرتا ہے۔ یہ ٹولز پاکستان کو قدرتی آفات سے پہلے تیاری کرنے، خطرات کو کم کرنے کے اقدامات کرنے اور ڈیزاسٹر رسک فنانسنگ کی حکمت عملی بنانے میں مدد فراہم کر رہے ہیں۔
ترجمان سپارکو کے مطابق یہ پیشرفت اس بات کو اجاگر کرتی ہے کہ قدرتی آفات سے نمٹنے میں خلائی معلومات کی اہمیت کتنی زیادہ ہے۔ بالخصوص ترقی پذیر ممالک کے لیے، جہاں زمینی رسائی محدود ہوتی ہے، وہاں بروقت ڈیٹا نہ صرف وسائل بلکہ انسانی جانیں بھی بچانے میں کلیدی کردار ادا کرتا ہے۔
انہوں نے مزید کہا کہ سیٹلائٹ امیجری اور رسک اسسمنٹ اسٹڈیز فراہم کرنے کی سپارکو کی مسلسل کاوشیں پاکستان کے ڈیزاسٹر ریسپانس سسٹم کو مضبوط اور مؤثر بنانے میں انتہائی اہمیت رکھتی ہیں۔
