عاصم بخاری کو دل کا دورہ، حالت بہتر، اسپتال سے ڈسچارج

پاکستان کے سینئر اداکار عاصم بخاری کو حال ہی میں دل کا دورہ پڑا جس کے بعد انہیں فوری طور پر پنجاب انسٹی ٹیوٹ آف کارڈیالوجی لاہور منتقل کیا گیا۔ ڈاکٹروں کے مطابق ہارٹ اٹیک کے اثرات اتنے شدید تھے کہ پھیپھڑوں میں پانی بھر گیا تھا۔

خوش قسمتی سے اب ان کی طبیعت میں نمایاں بہتری آئی ہے اور مکمل چیک اپ کے بعد انہیں اسپتال سے ڈسچارج کر دیا گیا ہے۔

یاد رہے، عاصم بخاری پاکستان کی شوبز انڈسٹری کا ایک معتبر نام ہیں۔ وہ نہ صرف ٹی وی، فلم اور تھیٹر کے منجھے ہوئے اداکار ہیں بلکہ ادیب اور شاعر کے طور پر بھی پہچانے جاتے ہیں۔

ان کے یادگار ڈراموں میں:

• بانو بازار

• مایا

• محبت بہتا دریا

• ایک ستم اور سہی

• عشق پاگل کرائے

• قلندر

جیسے شاہکار شامل ہیں، جو ناظرین کے دلوں پر آج بھی نقش ہیں۔

مداحوں نے ان کی جلد صحت یابی پر اطمینان کا اظہار کیا ہے۔