عام تاثر ہے کہ بڑھاپے میں دل کے مسائل “قدرتی عمل” ہیں اور ان سے بچنا ممکن نہیں، لیکن ماہرین کے مطابق یہ صرف غلط فہمی ہے۔ حقیقت یہ ہے کہ طرزِ زندگی میں تبدیلی اور چند آسان عادات اپنا کر بڑی حد تک دل کی بیماریوں سے بچاؤ ممکن ہے۔
اکثر معمر افراد ورزش یا ہلکی جسمانی سرگرمی کو غیر ضروری یا مشکل سمجھتے ہیں۔ اسی طرح کھانے پینے میں احتیاط نہ کرنا، خاص طور پر زیادہ نمک اور چکنائی والی غذا کا استعمال، صحت کے لیے نقصان دہ ثابت ہوتا ہے۔ اس کے علاوہ، بزرگ افراد اکثر باقاعدگی سے ڈاکٹر کا چیک اپ نہیں کرواتے، بلڈ پریشر اور کولیسٹرول کی جانچ کو نظرانداز کرتے ہیں، یا ادویات وقت پر نہ لینے کے بجائے خود سے چھوڑ دیتے ہیں۔ یہ رویے دل کے امراض کے امکانات کو بڑھا دیتے ہیں۔
دل کو صحت مند رکھنے کے اہم اقدامات:
روزانہ ہلکی پھلکی ورزش، جیسے چہل قدمی۔
نمک اور چکنائی کم کرنا، سبزیاں اور پھل زیادہ کھانا۔
پانی کا مناسب استعمال اور نیند پوری کرنا۔
تمباکو نوشی اور زیادہ چائے/کافی سے پرہیز۔
بلڈ پریشر، شوگر اور کولیسٹرول کی باقاعدہ جانچ۔
ڈاکٹر کی ہدایت کے مطابق دوا کا استعمال۔
ماہرین کے مطابق یہ بظاہر چھوٹے مگر مستقل اقدامات دل کو تندرست رکھنے اور بڑھاپے میں بھی صحت مند زندگی گزارنے کے لیے نہایت مؤثر ثابت ہوسکتے ہیں۔
