امریکی محکمہ خارجہ نے تصدیق کی ہے کہ یوکرین کو پیٹریاٹ ایئر ڈیفنس سسٹم فروخت کرنے کا منصوبہ تیار کیا جا رہا ہے، جس کی مالیت تقریباً 179 ملین ڈالر ہوگی۔
یاد رہے کہ گزشتہ ماہ امریکی صدر ڈونلڈ ٹرمپ نے اعلان کیا تھا کہ امریکا یوکرین کو پیٹریاٹ ایئر ڈیفنس سسٹمز فراہم کرے گا تاکہ وہ روسی حملوں کے خلاف دفاعی صلاحیت بڑھا سکے۔
یہ جدید دفاعی ہتھیار ایک نئے معاہدے کے تحت فراہم کیے جائیں گے، جس کے مطابق نیٹو اتحادی ممالک بھی کچھ اخراجات برداشت کریں گے۔
