غیر ملکی میڈیا کے مطابق ترکی کے مغربی شہر ازمیر کے علاقے بالچووا میں مسلح حملے کے نتیجے میں دو پولیس اہلکار جاں بحق جبکہ ایک اہلکار شدید زخمی ہو گیا۔
ترک وزیر داخلہ علی یرلکایا نے سوشل میڈیا پلیٹ فارم “ایکس” پر بتایا کہ واقعے کے فوراً بعد پولیس نے حملہ آور نوجوان کو گرفتار کر لیا اور تفتیش شروع کر دی ہے۔
میڈیا رپورٹس کے مطابق حملہ آور نے شاٹ گن سے فائرنگ کی، جس کے بعد پولیس نے علاقے کا گھیراؤ کر کے سخت سیکیورٹی اقدامات نافذ کر دیے۔
ازمیر کے میئر جمیل توگای نے اس حملے کو “غدارانہ کارروائی” قرار دیتے ہوئے جاں بحق اہلکاروں کے خاندانوں سے گہرے دکھ اور افسوس کا اظہار کیا۔
