چنئی: بھارتی میڈیا کے مطابق تمل فلم انڈسٹری کے معروف اداکار وشال نے اپنی 48 ویں سالگرہ کے موقع پر مداحوں کو بڑی خوشخبری سناتے ہوئے منگنی کا اعلان کر دیا۔
رپورٹس کے مطابق رواں سال مئی میں وشال نے اداکارہ سائی دھنشیکا کے ساتھ اپنے تعلقات کا اعتراف کرتے ہوئے شادی کا اعلان کیا تھا، اور اب انہوں نے سالگرہ کے دن منگنی کی تقریب منعقد کی۔
وشال نے منگنی کی تصاویر اپنے سوشل میڈیا اکاؤنٹس پر شیئر کیں، جنہیں مداحوں کی جانب سے خوب پسند کیا جا رہا ہے اور انہیں مبارکبادوں کا سلسلہ جاری ہے۔
میڈیا رپورٹس میں بتایا گیا ہے کہ اداکار کی شادی بھی ان کی 48 ویں سالگرہ کے موقع پر طے تھی، تاہم گھر کی تعمیر مکمل نہ ہونے کے باعث شادی کی تاریخ آگے بڑھا دی گئی ہے۔
