تفصیلات کے مطابق ایشیا کپ 2025 کے میچز کے لیے ٹکٹوں کی فروخت متحدہ عرب امارات کے مقامی وقت کے مطابق شام پانچ بجے شروع ہوگی۔
ابوظہبی میں شیڈول میچز کے لیے ٹکٹ کی کم سے کم قیمت 40 درہم جبکہ دبئی میں ہونے والے میچز کے لیے ٹکٹ کی تعارفی قیمت 50 درہم مقرر کی گئی ہے۔
ٹکٹیں شائقین کو پلاٹینم لسٹ ویب سائٹ پر آن لائن دستیاب ہوں گی، جبکہ آئندہ چند روز میں دبئی انٹرنیشنل اسٹیڈیم اور شیخ زید کرکٹ اسٹیڈیم کے ٹکٹ دفاتر سے بھی خریدی جا سکیں گی۔
انتظامیہ کے مطابق پاک بھارت میچ کے ٹکٹ شائقین کے لیے خصوصی پیکج میں رکھے گئے ہیں۔ یہ پیکج 1400 درہم میں سات میچوں کے ٹکٹس پر مشتمل ہوگا، جن میں درج ذیل مقابلے شامل ہیں:
بھارت بمقابلہ یو اے ای
B1 بمقابلہ B2
A1 بمقابلہ A2
A1 بمقابلہ B1
A1 بمقابلہ B2
پاک بھارت میچ
فائنل
اس کے علاوہ ایشیا کپ کے دیگر میچز کے ٹکٹ الگ سے بھی خریدے جا سکیں گے، جو اس پیکج میں شامل نہیں ہیں۔
