تفصيل موجب، لاهور ۾ چيئرمين پي سي بي محسن نقوي جي صدارت هيٺ بورڊ آف گورنرز جو 80هون اجلاس منعقد ٿيو، جنهن ۾ پاڪستاني ڪرڪيٽ جي معيار ۽ انٽرنيشنل سطح تي ٽيم جي ڪارڪردگي بهتر بڻائڻ لاءِ مختلف تجويزون ۽ قدمن تي غور ڪيو ويو۔
اجلاس ۾ خواتين ڪرڪيٽ جي فروغ لاءِ گراس روٽ ليول تي اپائن، نوجوان ٽيلنٽ کي اڳتي آڻڻ، ڊوميسٽڪ ڪرڪيٽ جي بهتري ۽ هاءِ پرفارمنس سينٽرز جي اپگريڊشن بابت بريفنگ ڏني وئي۔
ان کان علاوه، بورڊ پاران اپڊيٽڊ فنانشل رولز، جاري مالي سال لاءِ آڊيٽرز جي ٻيهر مقرري ۽ گلوبل اينٽي ڪرپشن ڪوڊ کي اپنائڻ لاءِ ضروري پروسيجرل تبديليون به منظور ڪيون ويون۔
اجلاس ۾ ڪلبز جي اسڪروٽني جو نئون طريقه ڪار به منظور ڪيو ويو، جڏهن ته اڳوڻن اجلاس (78هون ۽ 79هون) ۾ ڪيل فيصلن جي پڻ توثيق ڪئي وئي۔
اجلاس ۾ بورڊ ميمبرن ۾ انوار غني، ظهير عباس، سجاد علي کوکر، ظفر الله، تنوير احمد، محمد اسماعيل قريشي، طارق سرور ۽ ٻيا شامل هئا۔ ان سان گڏ سي او او پي سي بي سمير احمد، سي اي او پي ايس ايل سلمان نصير، مختلف ڊائريڪٽرز، ويمنز ڪرڪيٽ جي سربراهه ۽ ليگل ڊپارٽمينٽ جا نمائندا به موجود هئا۔
