اس بار عرفی جاوید خبروں میں اپنے بولڈ لباس کی وجہ سے نہیں بلکہ دل کی بات کی وجہ سے ہیں۔
ایک حالیہ انٹرویو میں اداکارہ نے اعتراف کیا کہ وہ دہلی کے ایک شرمیلے نوجوان کے لیے دل سے سنجیدہ ہو چکی ہیں۔ حیران کن بات یہ ہے کہ یہ نوجوان سوشل میڈیا اور شوبز سے بالکل دور رہتا ہے، یعنی عرفی سے مکمل مختلف!
دلچسپ انکشاف یہ تھا کہ جب عرفی کی اس نوجوان سے پہلی بار ملاقات ہوئی، تب اس کی شادی کی بات چل رہی تھی۔ مگر عرفی کی آمد نے وہ رشتہ بننے ہی نہ دیا! انٹرویو لینے والے نے جب شرارت سے پوچھا کہ آپ وہاں کیا کر رہی تھیں، تو عرفی نے مسکراتے ہوئے کہا:
“بس، اپنے دوستوں کے ساتھ تھی۔”
عرفی نے مزید بتایا کہ جس لڑکے کو وہ پسند کرتی ہیں وہ کیمروں، میڈیا، اور ہجوم سے کوسوں دور ہے۔ “ہم دونوں ایک دوسرے کے بالکل اُلٹ ہیں،” انھوں نے کہا۔
اداکارہ نے یہ بھی بتایا کہ ان کے ’خصوصی شخص‘ کا قد 6 فٹ 4 انچ ہے اور وہ ممبئی کے نہیں بلکہ دہلی کے رہائشی ہیں۔ عرفی نے ہنستے ہوئے کہا:
“میں ہر ویک اینڈ پر دہلی جاتی ہوں۔ اگر پاپارازی آگئے تو وہ سیدھا بھاگ جائے گا!”
یہ عرفی جاوید کا ایک نرم، سنجیدہ اور سچا پہلو تھا، جو ان کے مداحوں کے لیے یقیناً ایک نئی اور خوبصورت جھلک بن کر سامنے آیا۔
