کامیاب کارروائی: رحیم یار خان پولیس نے دو مغویوں کو بحفاظت بازیاب کروا لیا
تھانہ احمد پور لمہ کی حدود سے اغوا ہونے والے دو شہری علی اصغر گجر اور قربان ڈیتھا کو بالآخر ڈیڑھ ماہ بعد بحفاظت بازیاب کرا لیا گیا ہے۔
پنجاب پولیس کے ترجمان کے مطابق دونوں شہریوں کو اسلحے کی نوک پر ڈاکوؤں نے اغوا کیا تھا۔
کچہ کریمنلز کے خلاف ٹارگٹڈ آپریشن، اغوا کار فرار
ترجمان کے مطابق ڈی پی او عرفان علی سموں کی سربراہی میں پولیس ٹیموں نے مغویوں کی بازیابی کے لیے مسلسل کارروائیاں کیں۔
بالآخر ایک ٹارگٹڈ آپریشن کے دوران اغوا کار مغویوں کو چھوڑ کر فرار ہوگئے۔
آئی جی پنجاب کی جانب سے رحیم یار خان پولیس کی تعریف
پولیس کی اس کامیاب کارروائی پر آئی جی پنجاب ڈاکٹر عثمان انور نے رحیم یار خان پولیس کی کارکردگی کو سراہتے ہوئے اسے ایک بڑی کامیابی قرار دیا ہے۔
