کینیڈا میں پہلی بار انڈور انٹرنیشنل کرکٹ ایونٹ

وینکوور: کینیڈا کی کرکٹ میں نئی تاریخ رقم ہونے جارہی ہے، 8 سے 13 اکتوبر تک بی سی پلیس اسٹیڈیم وینکوور میں پہلی بار انڈور اسٹیڈیم میں روشنیوں کے جلو میں بین الاقوامی کرکٹ کا انعقاد ہوگا۔

ایونٹ کی فرنچائز ٹیموں کو حتمی شکل دے دی گئی ہے، جس میں کئی نامور پاکستانی اور غیر ملکی کرکٹرز ایکشن میں دکھائی دیں گے۔

• ماسٹرز میسی سوگا: سعید اجمل

• واریئرز وائٹ روک: شعیب ملک، خواجہ نافع

• سکسرز ٹورنٹو: الیکس ہیلز، رحمان اللہ گرباز

• بلٹز برامپٹن: پیوش چاؤلہ، ڈیوڈ ویزا، مارٹن گپٹل، کوئنٹن ڈی کاک

• ٹائیگرز مونٹریال: اینڈریو ٹائی، شکیب الحسن

• کنگز وینکوور: ریسی وان ڈیر ڈوسن، معین علی، ڈیوائن پریٹوریس

ماہرین کے مطابق یہ ایونٹ کینیڈین کرکٹ کے لیے تاریخی سنگ میل ثابت ہوگا اور مقامی شائقین کے ساتھ ساتھ دنیا بھر میں بڑی دلچسپی کا باعث بنے گا۔