ڀارت جي اڳوڻي اسپنر هربھجن سنگھ وري هڪ تڪراري بيان ڏئي ڇڏيو آهي. هن جو چوڻ آهي ته ڀارت کي پاڪستان خلاف ميچ کي ئي انڪار ڪري ڇڏڻ گهرجي. سندس دليل آهي ته “اسان جا جوان قربانيون ڏين ٿا ۽ اسان ڪرڪيٽ کي ترجيح ڏيون ٿا، اهو انهن جي شهادت جو مذاق آهي.”
هن وڌيڪ چيو ته ڀارت جي حڪومت جو موقف به ساڳيو آهي: “خون ۽ پاڻي گڏ نٿا وهين.” يعني راند ۽ رشتا ٻنهي کي هڪ ساٿ ۾ نٿو ڏسي سگهجي.
ايشيا ڪپ 2025 جو آغاز 9 سيپٽمبر تي ٿيندو، جڏهن ته سڀ کان وڏي نظر 14 سيپٽمبر تي شيڊول پاڪستان–ڀارت ٽڪر تي آهي. اهو ميچ ٻنهي ملڪن وچ ۾ اپريل ۾ پهلگام حملي کانپوءِ پهريون مقابلو هوندو.
پر ميچ کان اڳ ئي ڀارتي ميڊيا ۽ اڳوڻا رانديگر هميشه جيان پروپيگنڊا ۾ لڳي ويا آهن. ڏسجي ٿو ته ڀارت کي راندين ۾ به پاڪستان جو خوف لڳل آهي.
حقيقت اها آهي ته دنيا جا ڪروڙين ڪرڪيٽ فئنز پاڪستان ۽ ڀارت جو ٽڪر ڏسڻ لاءِ بيچيني سان انتظار ڪري رهيا آهن، پر ڀارت جي اهڙي سياست راند جي اصل روح کي نقصان پهچائي رهي آهي.
پاڪستاني رانديگر ۽ عوام جو موقف هميشه صاف رهيو آهي: ڪرڪيٽ کي سياست کان ڌار رکڻ گهرجي، پر ڀارت پنهنجي پراڻي عادتن وانگر راند کي به نفرت ۽ دشمني جو ميدان بڻائڻ ٿو چاهي.
