“کراچی تا سکھر سب اربن ریلوے — سندھ حکومت اور پاکستان ریلوے کا نیا سنگ میل!”
کراچی سے سکھر تک جدید سب اربن ریلوے سروس کے منصوبے پر تیزی سے پیش رفت ہو رہی ہے۔ وزیر توانائی و منصوبہ بندی سندھ ناصر حسین شاہ کی قیادت میں ایک اعلیٰ سطح ملاقات ہوئی، جس میں پاکستان ریلوے کے اعلیٰ حکام نے شرکت کی۔
ملاقات میں لاہور میٹرو کی طرز پر سندھ میں جدید ریلوے سروس شروع کرنے پر غور کیا گیا، جس سے روزانہ لاکھوں شہری فائدہ اٹھا سکیں گے۔ ناصر شاہ نے واضح کیا کہ اس منصوبے سے عوام کو سفری سہولت ملے گی، بین الاضلاعی بسوں کا دباؤ کم ہوگا، اور عوامی پریشانیاں کم ہوں گی۔
🤝 اہم فیصلے اور تجاویز:
-
روہڑی تا کراچی نیا ریلوے ٹریک کو ترجیحی منصوبہ قرار دے دیا گیا۔
-
سندھ حکومت اور پاکستان ریلوے کے درمیان مکمل اشتراک پر اتفاق۔
-
ایم ایل ون منصوبے میں سندھ حکومت نے بھرپور تعاون کی یقین دہانی کرائی۔
-
مشترکہ کمیٹی بنانے پر اتفاق ہوا جو تمام رکاوٹوں کا حل تجویز کرے گی۔
-
ریلوے اسٹیشنز کی بہتری، صفائی، اور حساس کراسنگز کو اپ گریڈ کرنے کی تجاویز بھی زیر غور آئیں۔
-
ریلوے اسٹیشنز کو گود لینے اور گرین بیلٹ قائم کرنے کی تجاویز بھی شامل کی گئیں۔
💬 ناصر حسین شاہ کا کہنا تھا:
“سب اربن ریلوے منصوبہ وقت کی اہم ضرورت ہے۔ سندھ حکومت پبلک پرائیویٹ پارٹنرشپ کے تحت کئی کامیاب منصوبے چلا رہی ہے، اور ہم ایم ایل ون میں بھی بھرپور کردار ادا کریں گے۔”
انہوں نے شکوہ کیا کہ کراچی سرکلر ریلوے کے حوالے سے سندھ حکومت نے اپنا کام مکمل کر لیا، لیکن ریلوے حکام نے تجاوزات کے خاتمے کا عمل نامعلوم وجوہات کی بنا پر روک دیا۔
انہوں نے اس بات پر زور دیا کہ ریلوے انتظامیہ کی غفلت سے کئی منصوبے تاخیر کا شکار ہوئے ہیں، لیکن اب سندھ حکومت کا فوکس مکمل طور پر عوامی ریلیف، ریلوے اسٹیشنز کی حالت بہتر بنانے اور منصوبوں کو جلد مکمل کرنے پر ہے۔
