ترجمان ڈولفن فورس کے مطابق ایک بے یار و مددگار پریشان لڑکی ڈیفنس رایا کے علاقے میں کھڑی ملی، جسے ایف پی یو ٹیم میں مامور لیڈی پولیس آفیشل نے اپنی حفاظتی تحویل میں لے لیا۔
واقعے کی تفصیل
لڑکی نے فرینڈلی پیٹرولنگ یونٹ کو بتایا کہ وہ ٹک ٹاک پر دوستی کے بعد ڈیفنس رایا پہنچی۔
لڑکی کے اغوا کا مقدمہ پہلے ہی تھانہ قلعہ گجر سنگھ میں درج تھا۔
ایف پی یو نے فوری طور پر 15 سالہ مریم کے والدین سے رابطہ کیا۔
پولیس کی کارروائی
والدین اور قلعہ گجر سنگھ پولیس کے پہنچنے تک لڑکی کو تھانہ ڈیفنس سی کی حفاظتی تحویل میں رکھا گیا۔
بعدازاں لڑکی کو باحفاظت والدین کے حوالے کر دیا گیا۔
