اسلام آباد جي ڊسٽرڪٽ اينڊ سيشن ڪورٽ ۾ فيصل ايونيو تي پي ٽي آءِ ڪارڪنن جي احتجاج ۽ نعره بازي واري ڪيس جي ٻڌڻي ٿي۔ پوليس گرفتار ڪيل 40 کان وڌيڪ ڪارڪنن کي عدالت ۾ پيش ڪيو۔
پوليس طرفان ورڪرن جي 10 ڏينهن جي جسماني ريمانڊ جي درخواست ڪئي وئي، پر وڪيلن دليل ڏنو ته “جتي احتجاج ٻڌايو پيو وڃي، اُتي سي سي ٽي وي ڪيمرا لڳل آهن، جن مان صاف ڏسي سگهجي ٿو ته ڪنهن به رستو بند نه ڪيو ويو۔ ڪارڪنن کي ٻن ڏينهن اڳ گرفتار ڪري بيجا قيد ۾ رکيو ويو ۽ هاڻي هن ڪيس ۾ پيش ڪيو پيو وڃي۔”
عدالت وڪيلن جي دليلن کانپوءِ پوليس جي درخواست رد ڪري ڇڏي ۽ سڀني گرفتار ڪارڪنن کي جسماني ريمانڊ بدران جوڊيشل ريمانڊ تي جيل موڪلي ڇڏيو۔
