رپورٹ کے مطابق سوشل میڈیا پر ٹرانس جینڈر کمیونٹی کیخلاف گفتگو پر نعیم بٹ عرف سیما بٹ نے ماریہ بی کیخلاف نیشنل سائبر کرائم انویسٹی گیشن ایجنسی میں درخواست جمع کرائی۔ درخواست میں مؤقف اپنایا گیا کہ ماریہ بی کے بیانات اور پراپیگنڈا سے ٹرانس جینڈر کمیونٹی کی دل آزاری ہوئی۔
این سی سی آئی اے نے معاملے پر انکوائری شروع کرتے ہوئے ماریہ بی کو 26 اگست کو طلب کرلیا ہے۔ واضح رہے کہ ماریہ بی نے ایک ویڈیو بیان میں لاہور میں ٹرانس جینڈر پارٹی کے انعقاد کا دعویٰ کیا تھا اور پنجاب حکومت سے کارروائی کا مطالبہ کیا تھا۔
