“ملک بھر میں چاند نظر نہ آیا، یکم صفر 27 جولائی بروز اتوار ہوگی: رویت ہلال کمیٹی”

مرکزی رویت ہلال کمیٹی کا اجلاس مولانا عبدالخبیر آزاد کی صدارت میں اسلام آباد کے علاقے کوہسار میں واقع وزارت مذہبی امور کی بلڈنگ میں منعقد ہوا۔

اجلاس میں ملک کے مختلف علاقوں سے چاند کی رویت سے متعلق اطلاعات کا جائزہ لیا گیا، تاہم کہیں سے بھی چاند نظر آنے کی کوئی شہادت موصول نہیں ہوئی۔

اجلاس کے بعد کمیٹی نے اعلان کیا کہ ہفتہ 30 محرم الحرام 1447 ہجری ہوگا، جب کہ یکم صفر المظفر 1447 ہجری اتوار 27 جولائی کو ہوگی۔

اس حوالے سے سرکاری نوٹیفکیشن بھی جاری کر دیا گیا ہے۔

واضح رہے کہ ماہرین فلکیات نے پہلے ہی پیش گوئی کر دی تھی کہ آج چاند نظر آنے کے امکانات نہ ہونے کے برابر ہیں۔