عرب میڈیا کے مطابق غزہ میں اسرائیلی بمباری کے نتیجے میں عالمی میڈیا کے چار صحافی شہید ہوگئے۔ شہید ہونے والوں میں رائٹرز کے کیمرہ مین حسام المصری، ایسوسی ایٹڈ پریس اور برطانوی اخبار دی انڈیپینڈنٹ کی نامہ نگار مریم ابودقہ، امریکی ٹی وی نیٹ ورک این بی سی کے رپورٹر ابوطحٰہ اور الجزیرہ کے فوٹو جرنلسٹ محمد سلامہ شامل ہیں۔
اس واقعے پر اسرائیلی فوج اور وزیراعظم آفس نے فوری ردعمل دینے سے گریز کیا ہے۔
اعداد و شمار کے مطابق صرف اکتوبر 2023 سے اب تک غزہ میں اسرائیلی حملوں کے دوران شہید ہونے والے صحافیوں کی مجموعی تعداد 244 تک جا پہنچی ہے، جو صحافت کی تاریخ میں ایک ہولناک ریکارڈ تصور کیا جا رہا ہے۔
