وزیراعظم شہباز شریف سے پاکستان میں تعینات سعودی عرب کے سفیر نواف بن سعید المالکی نے وزیراعظم ہاؤس میں ملاقات کی، جہاں سعودی ولی عہد شہزادہ محمد بن سلمان بن عبدالعزیز آل سعود کا خصوصی پیغام بھی پہنچایا گیا۔
سعودی سفیر نے وزیر اعظم کو 27 سے 30 اکتوبر تک ریاض میں منعقد ہونے والے نویں فیوچر انویسٹمنٹ انیشی ایٹو فورم میں شرکت کے لیے دستخط شدہ باضابطہ دعوت نامہ پیش کیا۔ شہباز شریف نے یہ دعوت قبول کرتے ہوئے ولی عہد کا دلی شکریہ ادا کیا اور خادم حرمین شریفین شاہ سلمان بن عبدالعزیز آل سعود اور شہزادہ محمد بن سلمان کے لیے نیک خواہشات کا اظہار کیا۔
ملاقات میں خطے کی تازہ صورتحال پر بھی گفتگو ہوئی۔ اس موقع پر نائب وزیر اعظم و وزیر خارجہ اسحاق ڈار، مشیر طارق فاطمی اور ڈاکٹر توقیر شاہ بھی موجود تھے۔
