بیجنگ میں شنگھائی تعاون تنظیم (SCO) کا اہم اجلاس جاری ہے جس میں وزیراعظم پاکستان شہباز شریف، روسی صدر ولادیمیر پیوٹن، ترک صدر رجب طیب ایردوان، ملائیشیا کے وزیراعظم انور ابراہیم اور اقوام متحدہ کے سیکرٹری جنرل انتونیو گوتریس سمیت متعدد عالمی رہنما شریک ہوئے۔
افتتاحی خطاب میں چینی صدر شی جن پنگ نے کہا کہ شنگھائی تعاون تنظیم باہمی اعتماد اور اصولوں کے تحت ترقی کر رہی ہے اور اب یہ ایک “تناور درخت” کی شکل اختیار کر چکی ہے۔ انہوں نے کہا کہ رکن ممالک کو تجارت، معیشت اور مختلف شعبوں میں باہمی تعاون کے مواقع سے بھرپور فائدہ اٹھانا چاہیے۔
چینی صدر نے اس بات پر زور دیا کہ مشترکہ خوشحال مستقبل کے لیے تجارتی و مواصلاتی روابط کو بڑھانا وقت کی ضرورت ہے۔ ان کا کہنا تھا کہ چین رکن ممالک کی سماجی اور معاشی ترقی میں کلیدی کردار ادا کرنے کے لیے پُرعزم ہے، کیونکہ عملی اقدامات کے بغیر عوامی خوشحالی ممکن نہیں۔
دو روزہ اجلاس میں 20 ممالک کے سربراہان شریک ہیں۔ اس دوران وزیراعظم پاکستان شہباز شریف بھی خطاب میں پاکستان کا مؤقف پیش کرتے ہوئے خطے میں تعاون، امن اور استحکام کے فروغ پر زور دیں گے۔
