ساجد خان کی ٹیسٹ کرکٹ پر رائے، اسپن بولنگ کی تیاری، اور شاہد آفریدی کی حمایت – مکمل گفتگو
لاہور میں میڈیا سے بات کرتے ہوئے قومی ٹیم کے اسپنر ساجد خان نے کھل کر بتایا کہ اس وقت وہ کوچ عبدالرحمان کے ساتھ اسپن بولنگ کے شعبے پر خاصی محنت کر رہے ہیں۔
انہوں نے کہا کہ ٹیسٹ کرکٹ کھیلنا ان کے لیے بہت بڑا اعزاز ہے، حالانکہ انہوں نے وائٹ بال کرکٹ سے اپنے کیریئر کی شروعات کی تھی۔ ساجد نے بتایا کہ اب وہ خاص طور پر آرم بال اور کریز کے استعمال پر فوکس کر رہے ہیں۔
ساجد خان کا کہنا تھا کہ اس سال بدقسمتی سے پاکستان کے ٹیسٹ میچز کم ہیں، لیکن ان کی دعا ہے کہ ٹیم کی رینکنگ بہتر ہو جائے۔
اس دوران انہوں نے چار روزہ کرکٹ پر بھی اپنی رائے دی، کہتے ہیں کہ چار روزہ کرکٹ ٹیسٹ کے لیے اچھی نہیں سمجھی جاتی، اور اس فارمیٹ میں زیادہ میچز ڈرا ہوں گے جنہیں شائقین دیکھنا بھی پسند نہیں کریں گے۔
ساجد نے بتایا کہ کاؤنٹی کرکٹ کے حوالے سے بھی دو تین کلبز سے ان کی بات چیت چل رہی ہے، اور امید ہے اس پر بھی کچھ آگے بڑھے گا۔
اسکلز کیمپ کا ذکر کرتے ہوئے ساجد خان نے کہا کہ اس میں انہیں سینئر کھلاڑیوں سے سیکھنے کا اچھا موقع ملا ہے۔ خاص طور پر انہوں نے اظہر محمود کے ساتھ کیے گئے کام کو مفید قرار دیا اور کہا کہ ہمیں ان سے بہت فائدہ ہوگا۔
اب بات کرتے ہیں اس پر کہ شاہد آفریدی نے ساجد خان کے بارے میں کیا کہا تھا۔
قومی ٹیم کے سابق کپتان شاہد آفریدی کا کہنا تھا کہ چیمپئنز ٹرافی کے لیے ساجد خان کو قومی ٹیم میں ضرور ہونا چاہیے تھا۔
ایک نجی ٹی وی سے گفتگو میں آفریدی نے کہا کہ دبئی میں ہونے والی چیمپئنز ٹرافی میں اسپنرز کے لیے سازگار وکٹیں ہوں گی۔ ان کے مطابق بھارتی ٹیم تو پانچ اسپنرز کے ساتھ جا رہی ہے، جبکہ پاکستان کے اسکواڈ میں صرف ایک اسپنر – ابرار احمد – موجود ہے۔
آفریدی نے واضح کیا کہ ساجد خان نے جتنی پرفارمنس دی ہے، اس حساب سے اسے 15 رکنی اسکواڈ میں ضرور شامل کرنا چاہیے تھا، لیکن ایسا نہیں کیا گیا۔
اس کے علاوہ معروف سابق بیٹر محمد یوسف نے بھی ساجد خان کی تعریف کی۔ یوسف نے کہا کہ ساجد خان کو اگر میچ میں مار بھی پڑ رہی ہو تو وہ ہمت نہیں ہارتا اور مسلسل محنت جاری رکھتا ہے، اور ایسا کھلاڑی انہوں نے آج تک نہیں دیکھا۔
ساتھ ہی ایک اور خبر بھی سامنے آئی ہے۔ ایشیا کپ میں پاک بھارت ٹاکرے کی ممکنہ تاریخ کا بھی پتہ چلا ہے، اگرچہ حتمی اعلان نہیں ہوا، لیکن اس حوالے سے تاریخ زیر غور ہے۔
شاہد آفریدی نے مزید کہا کہ چیمپئنز ٹرافی 2025 کے لیے بھارتی ٹیم ہر لحاظ سے مکمل اور پرفیکٹ ہے۔ ان کے فاسٹ بولرز، مڈل آرڈر، اوپنرز اور اسپنرز سب بہترین ہیں۔ انہوں نے کہا کہ اگرچہ جسپریت بمراہ انجری کے باعث باہر ہوگئے ہیں، لیکن اس سے بھارتی ٹیم کو زیادہ فرق نہیں پڑے گا۔
