ماہرینِ صحت کے مطابق بادام دماغ کے لیے نہایت فائدہ مند ہیں۔ ان میں موجود وٹامن ای، اومیگا فیٹی ایسڈز، اینٹی آکسیڈنٹس اور میگنیشیم دماغی خلیوں کو آکسیڈیٹو نقصان سے بچاتے ہیں۔
تحقیقات سے یہ بات سامنے آئی ہے کہ جو لوگ روزانہ مٹھی بھر بادام کھاتے ہیں، ان کی یادداشت اور سیکھنے کی صلاحیت بڑھاپے میں بھی بہتر رہتی ہے۔ اسی طرح مشاہداتی ریسرچ میں یہ بھی دیکھا گیا ہے کہ جو افراد باقاعدگی سے مغزیات (خاص طور پر بادام اور اخروٹ) استعمال کرتے ہیں، ان میں ڈیمینشیا یا دماغی کمزوری کا خطرہ نمایاں طور پر کم ہوتا ہے۔
ماہرین کے مطابق عام طور پر روزانہ ایک مٹھی (تقریباً 6 سے 10 بادام بھگو کر) کھانا ذہنی صحت کے لیے بہترین ہے اور یہ بڑھتی عمر میں بھی دماغ کو توانا رکھ سکتا ہے۔
