تربیلا ڈیم میں پانی کی آمد و اخراج میں اضافہ، الرٹ جاری

تربیلا ڈیم میں پانی کی آمد میں مسلسل اضافہ دیکھنے میں آ رہا ہے، جس کے پیش نظر ڈیم انتظامیہ نے ممکنہ ہنگامی صورتحال کے لیے اخراج کی حد بڑھانے کا عندیہ دے دیا ہے۔

انتظامیہ کا کہنا ہے کہ اگر بڑے ریلے ڈیم میں داخل ہوتے ہیں تو پانی کا اخراج بڑھا کر 4 لاکھ کیوسک تک کر دیا جائے گا۔

📊 موجودہ صورتحال:

• پانی کی سطح: 1530 فٹ

• ذخیرہ کی حد: 1550 فٹ

• پانی کی آمد: 3 لاکھ 33 ہزار کیوسک

• اخراج: 3 لاکھ 32 ہزار 600 کیوسک

⚡ بجلی کی پیداوار:

ڈیم کے 17 پیداواری یونٹس اس وقت مجموعی طور پر 3500 میگاواٹ بجلی پیدا کر رہے ہیں، جو قومی گرڈ کو فراہم کی جا رہی ہے۔

ڈیم حکام کا کہنا ہے کہ پانی کی سطح مسلسل بلند ہو رہی ہے اور صورتحال پر کڑی نظر رکھی جا رہی ہے تاکہ کسی بھی ہنگامی صورتحال میں فوری اقدام اٹھایا جا سکے۔