بیجنگ میں منعقدہ عظیم الشان پریڈ میں چین کے صدر شی جن پنگ، روس کے صدر ولادیمیر پیوٹن اور پاکستان کے وزیراعظم شہباز شریف نے ایک ساتھ شرکت کی، جسے عالمی میڈیا نے بھرپور انداز میں کوریج دی۔
پاکستان کی اعلیٰ سطحی شرکت نے خطے میں اس کی بڑھتی ہوئی سیاسی و اسٹریٹیجک اہمیت کو اجاگر کیا۔ تینوں رہنماؤں کی مشترکہ موجودگی کو ایشیائی طاقتوں کے اتحاد کی علامت قرار دیا جا رہا ہے۔
اس موقع پر بھارتی وزیراعظم کی غیر موجودگی نے مبصرین کی توجہ حاصل کی، جن کا کہنا ہے کہ یہ فیصلہ خطے میں بدلتے ہوئے تزویراتی توازن کی عکاسی کرتا ہے۔
چین کی یہ شاندار پریڈ نہ صرف ماضی کی عظیم قربانیوں کو یاد کرنے کا موقع بنی بلکہ موجودہ سیاسی اور دفاعی صورتحال کا عملی اظہار بھی تھی۔
