تفصیلات کے مطابق جمعہ کی صبح اسٹیل ٹاؤن تھانے کے علاقے اسٹیل مل موڑ کے قریب قومی شاہراہ پر ایک تیز رفتار واٹر ٹینکر ڈرائیور کی بے قابو گاڑی سڑک کنارے کھڑی گاڑیوں سے ٹکرائی۔
حادثے میں واٹر ٹینکر کا ڈرائیور شدید زخمی ہوگیا جبکہ تین گاڑیاں مکمل تباہ ہوگئیں اور قریبی کئی دکانوں کو بھی نقصان پہنچا۔
ایس ایچ او اسٹیل ٹاؤن اسلم بلو کا کہنا ہے کہ زخمی ڈرائیور کی فوری شناخت ممکن نہیں ہو سکی، اور حادثے کے وقت لوگوں کے موجود نہ ہونے کی وجہ سے کوئی بڑا جانی نقصان نہیں ہوا۔
پولیس کا شبہ ہے کہ حادثہ واٹر ٹینکر کے بریک فیل ہونے یا کسی اور ٹیکنیکل وجہ سے پیش آیا، اور تفتیشی ٹیم حادثے کی مکمل جانچ کر رہی ہے۔
