“وقت کو تھام لیا؟” — 50 سالہ انجلینا جولی کی جوانی کا نیا راز سامنے آ گیا!
جب ہالی ووڈ میں ہر دوسرا چہرہ بڑھتی عمر کے اثرات سے چھپنے کی دوڑ میں لگا ہوا ہے، تو اسٹائل کوئین انجلینا جولی نے جیسے وقت کو تھام لینے کا فیصلہ کر لیا ہے۔
غیر ملکی میڈیا رپورٹس کے مطابق، 50 سالہ انجلینا جولی نے اگلے دس برسوں تک جوان اور دلکش نظر آنے کے لیے ایک خاص لیزر ٹریٹمنٹ کا انتخاب کیا ہے، جس کے نتائج نے خود انجلینا کو بھی حیران کر دیا ہے۔
ان کے قریبی ذرائع کا کہنا ہے کہ جولی کا چہرہ پہلے سے زیادہ تروتازہ، ہموار اور چمکدار نظر آ رہا ہے۔ یہی نہیں، یہ ٹریٹمنٹ ایسا ہے جس کے اثرات صرف وقتی نہیں بلکہ آئندہ کئی برسوں تک قائم رہیں گے۔
غذا پر بھی ہے مکمل کنٹرول
صرف لیزر ہی نہیں، انجلینا اپنی خوراک اور طرز زندگی کو بھی مکمل دھیان میں رکھ رہی ہیں۔ ان کی روزمرہ کی ڈائٹ میں پروٹین، تازہ پھل، اور سبزیاں شامل ہیں۔ وہ اپنی فٹنس اور ذہنی سکون پر بھی پوری توجہ دے رہی ہیں۔
نئی فلمیں، نیا روپ
اداکاری کے میدان میں بھی انجلینا جولی پھر سے سرگرم ہیں۔ کچھ ہی دن پہلے وہ فلم “ماریا” میں مشہور اوپیرا گلوکارہ ماریا کالاس کے کردار میں نظر آئیں، جسے شائقین نے خوب سراہا۔ اب وہ ایک فرانسیسی ڈرامہ فلم میں جلوہ گر ہونے جا رہی ہیں، جس کی نمائش ستمبر میں ٹورنٹو فلم فیسٹیول میں ہو گی۔
مداحوں کے لیے ایک بار پھر اسٹائل آئیکون
ایسا لگتا ہے کہ انجلینا جولی ایک بار پھر ریڈ کارپٹ، پردہ اسکرین اور فیشن ورلڈ پر راج کرنے آ رہی ہیں — اور وہ بھی ایسے روپ میں، جسے دیکھ کر لوگ یہی کہیں گے:
“یہ 50 کی نہیں، 30 کی لگتی ہیں!”
